శ్లోకః
మనుప్రభృతిభిర్మాన్యైర్భుక్తా యద్యపి రాజభిః ।
తథాప్యనన్యపూర్వేవ తస్మిన్నాసీద్వసున్ధరా ॥4.07॥
పదవిభాగః
మను-ప్రభృతిభిః మాన్యైః
భుక్తా
యది-అపి రాజభిః । తథా అపి
అనన్య-పూర్వా ఇవ తస్మిన్ ఆసీత్ వసున్ధరా ॥
అన్వయః
యద్యపి వసున్ధరా మాన్యైః మనుప్రభృతిభిః రాజభిః భుక్తా (బభూవ) తథాపి తస్మిన్ (రఘౌ) అనన్యపూర్వా ఇవ ఆసీత్ ॥4.07॥
వాచ్యపరివర్తనమ్
యద్యపి మాన్యైః మనుప్రభృతిభిః రాజభిః భుక్తయా అపి వసున్ధరయా (బభూవే) తథాపి తస్మిన్ అనన్యపూర్వయా ఇవ అభూయత ॥
సరలార్థః
యద్యపి వైవస్వతమనోః ఆరభ్య దిలీపపపర్యన్తాః బహవో నృపతయః వసుధాం భుక్తవన్తః తథాపి సా రఘుం పతిం లబ్ధ్వా అనన్యభుక్తా నవకామినీవ అధికాం శోభాం దధౌ ॥
తాత్పర్యము
(వైవస్వత)మనువు ఆదిగా గౌరవనీయులైన రాజులెందరిచేతనో అనుభవించబడినప్పటికీ, రఘువు తనను చేబట్టాక భూమి అతడియందు అనన్యపూర్వమైన అనురక్తితో ఉండినది.
