శ్లోకః
ఛాయామణ్డలలక్ష్యేణ తమదృశ్యా కిల స్వయమ్ ।
పద్మా పద్మాతపత్రేణ భేజే సామ్రాజ్యదీక్షితమ్ ॥4.05॥
పదవిభాగః
ఛాయా-మణ్డల-లక్ష్యేణ తమ్ అదృశ్యా కిల స్వయమ్ । పద్మా పద్మ-ఆతపత్రేణ భేజే సామ్రాజ్య-దీక్షితమ్ ॥
అన్వయః
కిల పద్మా స్వయం అదృశ్యా (సతీ) సామ్రాజ్యదీక్షితం తం ఛాయామణ్డలలక్ష్యేణ పద్మాతపత్రేణ భేజే ॥4.05॥
వాచ్యపరివర్తనం
కిల పద్మయా స్వయమ్ అదృశ్యయా (సత్యా) సామ్రాజ్యదీక్షితః సః ఛాయామణ్డలలక్ష్యేణ పద్మాతపత్రేణ భేజే ॥
సరలార్థః
విష్ణుప్రియా లక్ష్మీః అదృశ్యభావేన దివ్యప్రభాపుఞ్జదర్శనేన సింహాసనాధిష్ఠితస్య తస్య శిరసి దివ్యకమలమయం ఛత్రం ధృతవతీ.
తాత్పర్యము
ఆయన చుట్టూ ఉన్న కాంతివలయమును బట్టి - సామ్రాజ్యపాలనాదీక్షను బూనిన రఘువును స్వయంగా (రాజ్య)
లక్ష్మీదేవియే అదృశ్యంగా తామరపూవు గొడుగుతో సేవిస్తున్నదా అని అనిపిస్తుంది.