శ్లోకః
తతః ప్రతస్థే కౌబేరీం భాస్వానివ
రఘుర్దిశమ్ ।
శరైరుస్రైరివోదీచ్యానుద్ధరిష్యన్ రసానివ ॥4.66॥
పదవిభాగః
తతః ప్రతస్థే కౌబేరీం భాస్వాన్ ఇవ రఘుః
దిశమ్ । శరైః ఉస్రైః ఇవ ఉదీచ్యాన్ ఉద్ధరిష్యన్ రసాన్
ఇవ ॥
అన్వయః
భాస్వాన్ ఇవ రఘుః ఉస్రైః ఇవ శరైః రసాన్
ఇవ ఉదీచ్యాన్ ఉద్ధరిష్యన్ కౌబేరీం దిశం ప్రతస్థే ॥4.66॥
వాచ్యపరివర్తనమ్
భాస్వతా ఇవ రఘుణా ఉస్రైః ఇవ శరైః రసాన్
ఇవ ఉదీచ్యాన్ ఉద్ధరిష్యతా కౌబేరీ దిక్ ప్రతస్థే ॥
సరలార్థః
రవిర్యథా స్వస్య తీక్ష్ణకరసమూహైః
రసానామ్ ఆకర్షణాయ ఉత్తరదిశం గచ్ఛతి, తథా రఘురపి శరసమూహైః ఉత్తరీయనృపాణామ్ ఉన్మూలనాయ
ఉత్తరదిశం జగామ ॥
తాత్పర్యమ్
సూర్యుడివలె రఘువు కిరణాలవంటి తన బాణాలతో
ఉత్తరదేశపు రాజులను నిర్మూలిస్తూ కుబేరుడు దిక్పాలకుడైన ఉత్తరదిక్కుకు వెళ్ళాడు.
