శ్లోకః
అవాకిరన్వయోవృద్ధాస్తం లాజైః పౌరయోషితః ।
పృషతైర్మన్దరోద్ధూతైః క్షీరోర్మయ
ఇవాచ్యుతమ్ ॥4.27॥
పదవిభాగః
అవాకిరన్ వయః-వృద్ధాః తం లాజైః పౌర-యోషితః । పృషతైః
మన్దర-ఉద్ధూతైః క్షీర-ఊర్మయః ఇవ అచ్యుతమ్ ॥
అన్వయః
వయోవృద్ధాః పౌరయోషితః లాజైః, క్షీరోర్మయః
మన్దరోద్ధూతైః పృషతైః అచ్యుతమ్ ఇవ, తమ్ అవాకిరన్ ॥4.27॥
వాచ్యపరివర్తనమ్
వయోవృద్ధాభిః పౌరయోషిద్భిః లాజైః, క్షీరోర్మిభిః
మన్దరోద్ధూతైః పృషతైః అచ్యుతః ఇవ, సః అవాకీర్యత ॥
సరలార్థః
యథా సముద్రమన్థనసమయే క్షీరసిన్ధోః
తరఙ్గమాలా మన్దరగిరిమన్థనోత్థితైః పయోబిన్దుభిః అచ్యుతమ్ అవకీర్ణవత్యః రఘోః
యాత్రాసమయేపి తథా పురస్త్రియః మఙ్గలాయ లాజైః తమ్ అవకిరన్తి స్మ ॥
తాత్పర్యమ్
మందరపర్వతము చేత చిందించబడిన పాల
చుక్కలను పాలకడలి తరగలు విష్ణువు మీద వెదజల్లినట్లు, ఆ నగరములోని
ముసలివారు, మహిళలు (రఘువు పై) వరిపేలాలను చల్లారు.
No comments:
Post a Comment