శ్లోకః
స యయౌ ప్రథమం
ప్రాచీం తుల్యః ప్రాచీనబర్హిషా ।
అహితానిలోద్ధూతైస్తర్జయన్నివ
కేతుభిః ॥4.28॥
పదవిభాగః
స యయౌ ప్రథమం
ప్రాచీం తుల్యః ప్రాచీన-బర్హిషా । అహిత-అనిల-ఉద్ధూతైః తర్జయన్ ఇవ కేతుభిః ॥
అన్వయః
ప్రాచీనబర్హిషా తుల్యః సః (రఘుః)
అనిలోద్ధూతైః కేతుభిః అహితాన్ తర్జయన్ ఇవ ప్రథమం ప్రాచీం (దిశం) యయౌ ॥4.28॥
వాచ్యపరివర్తనమ్
ప్రాచీనబర్హిషా తుల్యేన తేన
అనిలోద్ధూతైః కేతుభిః అహితాన్ తర్జయతా ఇవ, ప్రథమం ప్రాచీ (దిక్) యయే ॥
సరలార్థః
శక్రతుల్యప్రతాపశాలీ రఘుః ప్రథమం
పూర్వాం దిశం జేతుం జగామ,
అనుకూలవాయువేగేన తస్య యుద్ధకేతవః కమ్పన్తే స్మ, స పతాకాఛలేన శత్రూన్ తర్జయన్ ఇవ చచాల ॥
తాత్పర్యమ్
ఇంద్రుడితో సమానుడైన అతడు
‘శత్రువులను
బెదిరిస్తున్నవా’ అన్నట్లు రెపరెపలాడుతున్న జెండాలతో మొదటగా
(ఏ దిక్కుకైతే ఇంద్రుడు దిక్పాలకుడో ఆ) తూర్పు దిక్కుకు ప్రయాణించాడు.
No comments:
Post a Comment