రఘువంశమ్- 4.65

శ్లోకః

వినయన్తే స్మ తద్యోధా మధుభిర్విజయశ్రమమ్ ।

ఆస్తీర్ణాజినరత్నాసు ద్రాక్షావలయభూమిషు ॥4.65॥

పదవిభాగః

వినయన్తే స్మ తత్ యోధాః మధుభిః విజయ-శ్రమమ్ । ఆస్తీర్ణ-అజిన-రత్నాసు ద్రాక్షా-వలయ-భూమిషు ॥

అన్వయః

తద్ యోధాః ఆస్తీర్ణాజినరత్నాసు ద్రాక్షావలయభూమిషు మధుభిః విజయశ్రమం వినయన్తే స్మ ॥4.65॥

వాచ్యపరివర్తనమ్

తద్యోధైః ఆస్తీర్ణాజినరత్నాసు ద్రాక్షావలయభూమిషు మధుభిః విజయశ్రమః వినీయన్తే స్మ ॥

సరలార్థః

అథ రఘుసైనికాః ద్రాక్షాలతాపరిమణ్డితేషు స్థలేషు చర్మాసనాని ఆస్తీర్య సుఖోపవిష్టా సురాపానేన సమరఖేదం జహుః ॥

తాత్పర్యమ్

అప్పుడు (రఘువుసైన్యములోని) యోధులు ద్రాక్షపందిళ్ళ క్రింది నేలలపై మేలి చర్మములను పరచుకొని మధుపానము చేసి తమ యుద్ధవిజయపు శ్రమను పోగొట్టుకొన్నారు.