శ్లోకః
ఇత్థం వ్రతం ధారయతః ప్రజార్థం సమం మహిష్యా
మహనీయకీర్తేః ।
సప్త వ్యతీయుస్త్రిగుణాని తస్య దినాని
దీనోద్ధరణోచితస్య ॥2.25॥
పదవిభాగః
ఇత్థం వ్రతం ధారయతః ప్రజా-అర్థం సమం మహిష్యా మహనీయ-కీర్తేః । సప్త
వ్యతీయుః త్రిగుణాని తస్య దినాని దీన-ఉద్ధరణ-ఉచితస్య ॥
అన్వయః
ఇత్థం ప్రజార్థం మహిష్యా సమం వ్రతం ధారయతః మహనీయకీర్తేః
దీనోద్ధరణోచితస్య దిలీపస్య సప్త త్రిగుణాని (3*7 = 21) దినాని వ్యతీయుః ॥2.25॥
వాచ్యపరివర్తనమ్
ఇత్థం ప్రజార్థం మహిష్యా సమం వ్రతం ధారయతః
మహనీయకీర్తేః దీనోద్ధరణోచితస్య తస్య సప్తభిః త్రిగుణైః దినైః వ్యతీయే ॥
సరలార్థః
ఇత్థం సంతానాయ పత్న్యా సమం వ్రతం ధారయతః పూజితకీర్తేః
దీనరక్షణోచితస్య తస్య నృపస్య ఏకవింశతిదినాని గతాని ॥
తాత్పర్యమ్
ఈ విధంగా గొప్ప కీర్తి
కలవాడూ, దీనులను ఉద్ధరించుటకు
తగినవాడూ అయిన ఆ రాజు పత్నీసహితుడై సంతానార్థము వ్రతమును ఆచరిస్తూ ఉండగా మూడు
వారాలు గడిచాయి.
No comments:
Post a Comment